اليوم العاشر _ تحدي ال ٢٩ يوم

هــلاو هــلاو شلـونڪم 

اهلا بيكم للمرة الثانية بمدونتي ، اسمي زينب و التحدي مالتي هو قراءة مجموعة من الكتب خلال ٢٩ يوم ، حطيت هدف بسيط حتى انجح بي و يصيرلي حافز اكرر هالتحدي ويا نفسي و انجز اڪثر 

لحد الان كملت كتاب ( قوة عقلك الباطن )  كتاب واحد بس حسيتة ڪنز ، خلاني افهم عقلي الباطن اكثر و تعلمت شلون اتحكم بي و تدربت على جَذب اهدافي و التحكم بعقلي الباطن اكثر ، ( بالمدونه الجاية راح اسويلڪم مراجعة لقرائتي عن هالكتااب ) ، هدفي الجاي اكمل قراءه كتاب لغات الحب الخمس ب ثلاث ايام 

استخدمت كم تطبيق حتى يساعدني على الالتزام و تنظيم وقتي اول تطبيق هو  Microsoft To Do  هو لسته المهام اتوقع اغلب الناس عدهم بس التطبيق هذا تحديدا سهل و بي ميزات لطيفة وصوت ال چك ✅ من اخلص المهمة يخليني احس بالانجاز و الرضا 😆 التطبيق الثاني هو سلطة الانجاز  هالتطبيق يساعدني على تقسيم قراءاتي و بقية مهامي الى جلسات بي ميزات كلش حلوة هم ، اما التطبيق الثالث هو الملاحظات Keep الموجودة بكل الاجهزة ادون بي ملخصات قرائتي حتى يبقن الي و ارجعلهن دائما 

مدا ابذل جهد عالي بمهمتي بالعكس استمتع بوقتي و بنفس الوقت استفاد هواية و دا اتغير نحو الاحسن الحمدلله وراضية عن نفسي 

اما هدفي الحالي هو مختلف عن الهدف اللي اجيت بي، هدفي ازيد المهام قررت اضيف ساعة كل يوم اطلع بي محتوى مفيد و ساعة اطور معلوماتي عن البشرة و المنتجات و اضيف محتوى لحسابي فيتامين كذالك ازيد وقت القراءة 

و بالنهاية اني ممتنة 

١_ لمرتضى و التيم العظيم مالته على هالتحدي اللطيف خلاني اقضي وقت اكثر ويا نفسي و اكتشفها

٢_ ممتنة للمشتركين المتعاونين جدا يحفزوني و زادت معلوماتي عن هواية مجالات من خلال نقاشاتهم ، احبكم 🤍

٣_ ممتنه لنفسي جدا على هذا التغير و الراحة و الاستقرار الداخلي اللي دا احسة هالفترة