التخرج _ تحدي ٢٩ يوم

 اهلاا يا حلوين ، شلونكم اليوم اتمنى تكونون بخير 

بدايةً اعرفكم على نفسي اسمي زينب القيسي من ديالى و عمري ٢٢ سنه

شاركت بتحدي ال ٢٩ يوم لمرتضى التميمي حتى أطور نفسي بمجال التنمية و تطوير الذات ، بدأت بكتب و فيديوات و مقالات و محاضرات عن التنمية البشرية و مهارات تطوير الذات بصورة عامة حتى اخذ فكرة اوسع عن الموضوع

الصورة هاي تختصر اللي جنت اسوي خلال ال٢٩ يوم 

 المدة جانت قصيرة قياسآ بالتغيير اللي حسيته ، غير المهارات اللي اكتسبتها عن تطوير الذات ، تعلمت من التحدي ما اخاف من انو ابدأ صرت اعرف احط هدف و اتحدى نفسي انو اكمل و امشي بي ، قبل التحدي جنت اخاف ابلش بشي ( اني انسانه اخاف من الفشل  ) بس اكتشفت الشجاع مو اللي ميخاف الشجاع هو اللي يمشي بشي حتلو خايف منه المهم ما نستسلم للخوف و الفشل و الاهم شلون انظم وقتي و استغل يومي بشكل مفيد 

الكتب اللي قريتها خلال ال ٢٩ يوم :

قوة عقلك الباطن _ لغات الحب الخمس _ من حرك قطعة الجبن الخاصة بي _ امرأة من طراز خاص _ كاريزما المرأة 

اما الشي اللي اول مرة اسوي هو ( المراجعات ) كتبت مراجعة لكل كتاب على المدونه هنا حتى اشجع الناس على قراءة هذا النوع من الكتب و اكتب نبذة مختصرة عنهم و عن اهمية كل كتاب 

و شفت هواية فيديوات عن هالمجال لأشخاص معجبة بيهم و يلهموني هواية مثل :

احمد عمارة _ سائد يونس _ معتز مشعل _ ڤيان عارف 

تعلمت من خلال متابعتي الهم و الكتب : الثقة بالنفس و شلون اكون قوية و طموحة و ناجحة و طيبة و هوايةة مهارات نفسية واجتماعية اكتسبتها غيرت نظرتي للحياة تمامآ ، لهذا مشاركتي بهذا التحدي هو البداية لافكار جديدة و اهداف و طموحات جديدة 

تعلمت انظم وقتي و استخدم برامج تساعدني على الانجاز و مفيدة من قناة دروس اونلاين 

و بالنهاية شكرا الك مرتضى التميمي متتخيل هالفرصة شكد غيرت بية ، اني سعيدة كلش لان شاركت وياك و ممتنه لكل كلمة تشجيع قدمتها النا خلال هال٢٩ يوم مستمرة وياك و ادعمك بكلشي تقدمة ، فخورة بيك هواية 🙏🏻🤍 شكرا للتيم اللطيف عاشت ايدكم ع هالتنظيم الرهيب ، انتوا خرافيين 🤍

شكرا لكل المشتركين شكرا على تعاونكم و لطافتكم فرصة سعيدة انو عرفتكم ، احبكم 🤍