مراجعة لكتاب لغات الحب الخمس

-

 هــلاوو هـــلاو ، رجعتلڪم اليـوم بمــراجعة جـديدة لڪتــاب لغـات الحُــب الخمس _ للدڪتور جاري تشابمان _ الڪتاب لتحسين العلاقات و فهم الاخرين _ عدد الصفحات ١٨٠ صفحة



مختصر الدڪتور جاري طرق التعبير عن الحب ب خمس لغات اساسية اللي هي : 

تكريس الوقت _ كلمات التشجيع _ تبادل الهدايا _ الاعمال الخدمية _ الاتصال البدني 

و بالكتاب شارح صفات كل لغة و شنو الطريقة الصحيحة للتعامل مع الشخص اللي لغته الاساسية تكريس الوقت مثلا و بنهاية كل لغة مجموعة من النصائح و الافكار ممكن تساعدكم حتى تعبرون عن حبكم باللغة الخاصة لشريك الحياة او الاشخاص التحبوهم 


بعد عامين تقريبا من الزواج يصير شي اشبه بالروتين و نوع من الملل ، لهذا مهم كلش نعرف لغة الحب الاساسية لشريك الحياة هالشي يخلي الروتين احلى و الحياة الزوجية تكون صحية اكثر 


القصص المذكورة ممتعةة كلش ، و الكتاب سلس و سهل الفهم ممكن تخلصو بيوم و نص 

بالنهاية انصح بهالكتاب بشددة للمتزوجين اللي يشعرون بملل بعلاقتهم و المقبلين على الزواج 

و برأيي الكتاب لاي شخص حاب يفهم نفسة و يحب يعبر عن حبة لكل الاشخاص المحيطين بي من خلال معرفة لغة الحب الاساسية عندهم 

في حال حبيتوا تحملون الكتاب PDF اضغطوا هنا 

الكتاب وصلني هدية من اختي و حبيبة الروح غـود 🤍

شوية اقتباسات ⬇️💕







تعليقات

إرسال تعليق

المشاركات الشائعة من هذه المدونة

التخرج _ تحدي ٢٩ يوم

-
صورة
 اهلاا يا حلوين ، شلونكم اليوم اتمنى تكونون بخير  بدايةً اعرفكم على نفسي اسمي زينب القيسي من ديالى و عمري ٢٢ سنه شاركت بتحدي ال ٢٩ يوم لمرتضى التميمي حتى أطور نفسي بمجال التنمية و تطوير الذات ، بدأت بكتب و فيديوات و مقالات و محاضرات عن التنمية البشرية و مهارات تطوير الذات بصورة عامة حتى اخذ فكرة اوسع عن الموضوع الصورة هاي تختصر اللي جنت اسوي خلال ال٢٩ يوم   المدة جانت قصيرة قياسآ بالتغيير اللي حسيته ، غير المهارات اللي اكتسبتها عن تطوير الذات ، تعلمت من التحدي ما اخاف من انو ابدأ صرت اعرف احط هدف و اتحدى نفسي انو اكمل و امشي بي ، قبل التحدي جنت اخاف ابلش بشي ( اني انسانه اخاف من الفشل  ) بس اكتشفت الشجاع مو اللي ميخاف الشجاع هو اللي يمشي بشي حتلو خايف منه المهم ما نستسلم للخوف و الفشل و الاهم شلون انظم وقتي و استغل يومي بشكل مفيد  الكتب اللي قريتها خلال ال ٢٩ يوم : قوة عقلك الباطن _ لغات الحب الخمس _ من حرك قطعة الجبن الخاصة بي _ امرأة من طراز خاص _ كاريزما المرأة   اما الشي اللي اول مرة اسوي هو ( المراجعات ) كتبت مراجعة لكل كتاب على المدونه هنا ح...
قراءة المزيد

زينب القيسي

-
صورة
 مرحبا اسمي زينب عمري ٢٣ سنه ،  خريجة علوم تربوية و نفسية ،  هوايتي كلشي اله علاقة بمنتجات العناية بالبشرة و احب اطلع على مكوناتهم و اعرف كل مكون شنو وظيفتة و عندي بيج اساعد البنات بطريقة عنايتهم بالبشرة و اختيار المنتجات الصح  ، التحدي مالتي حيكون قراء كتب ، راح اتحدى نفسي اقرأ ٣ كتب خلال ٢٩ يوم حتى ازيد مهاراتي اللغوية و اثقف نفسي و اعرف اتحاور صح و تصير عندي ثقة بالحوار ، و هم القراءة كلش الها ربط بتخصصي احتاج اقرأ كتب نفسية و تطوير الذات و تنمية بشرية ، اما شلون ف راح اجرب احدد اوقات اقرأ كذا صفحة و كل يوم احاول ازيد صفحات غالبا حيكون بالليل قبل النوم ، و شاركت بالتحدي لان كلش حبيت الفكرة  و لان اني ما عندي شغف القراءة بس دائما احاول اخليها ضمن روتيني و افشل  و هم حبيت فكرة اطور مهاراة التواصل بالحوارات ويا باقي الاعضاء و يلهموني ب افكارهم و نتبادل المعلومات ، سعيدة بمشاركتي وياكم ، شكرا مرتضى على هالفرصة و كل التوفيق للجميع 🤍 الكتب اللي راح اقراها : قوة العقل الباطن _ لغات الحب الخمس _ امرأة من طراز خاص
قراءة المزيد

مراجعة لكتاب قوة عقلك الباطن

-
صورة
 مرحبا اصدقائي و صديقاتي ان شاء الله تكونوا بخير  مدونتي اليوم هي مراجعة مختصرة لكتاب قوة عقلك الباطن للدكتور جوزيف ميرفي  ، تصنيف الكتاب تنمية بشرية ، عدد الصفحات ٢٩٨ صفحة   برأيي هالكتاب من اهم كتب التنمية البشرية الجميل بي بعد ما تقراه تلاكي نفسك متدرب على استخدام عقلك الباطن بطريقة صحيحة و التفكير بصورة إيجابية  اكثر من ٩٠٪ من حياتنا العقلية هي العقل الباطن لهذا مهم كلش نتعلم شلون نتحكم بي ، و يصف الكاتب ان العقل الباطن مثل التربة اللي تقبل اي نوع من البذور سواء كانت صالحة او فاسدة ..  و اي شي تطلبه بصلاتك و انت مؤمنآ بامكانيه تحقيقة راح تحصل عليه    بالكتاب أيضا هواية قصص مسلية جدا يأكد الكاتب من خلالها على اهمية استخدام عقلك الباطن بطريقة ايجابية و النتائج المبهرة التحققها من خلال هالطريقة  يتالف الكتاب من ٢٠ فصل كل فصل يخص قاعدة معينه و مجموعة ادعية ممكن تساعدك  الشي الوحيد ممكن ماتحبو هو التكرار ، تكرار القصص و العبارات  بالنسبة الي هالتكرار ساعدني انو ادرب اكثر و افهم الفكرة اكثر و اشوفة شي مهم و إيجابي  و بالنهاي...
قراءة المزيد