مراجعة لكتاب قوة عقلك الباطن
مرحبا اصدقائي و صديقاتي ان شاء الله تكونوا بخير
مدونتي اليوم هي مراجعة مختصرة لكتاب قوة عقلك الباطن للدكتور جوزيف ميرفي ، تصنيف الكتاب تنمية بشرية ، عدد الصفحات ٢٩٨ صفحة
برأيي هالكتاب من اهم كتب التنمية البشرية الجميل بي بعد ما تقراه تلاكي نفسك متدرب على استخدام عقلك الباطن بطريقة صحيحة و التفكير بصورة إيجابية
اكثر من ٩٠٪ من حياتنا العقلية هي العقل الباطن لهذا مهم كلش نتعلم شلون نتحكم بي ، و يصف الكاتب ان العقل الباطن مثل التربة اللي تقبل اي نوع من البذور سواء كانت صالحة او فاسدة ..
و اي شي تطلبه بصلاتك و انت مؤمنآ بامكانيه تحقيقة راح تحصل عليه
بالكتاب أيضا هواية قصص مسلية جدا يأكد الكاتب من خلالها على اهمية استخدام عقلك الباطن بطريقة ايجابية و النتائج المبهرة التحققها من خلال هالطريقة
يتالف الكتاب من ٢٠ فصل كل فصل يخص قاعدة معينه و مجموعة ادعية ممكن تساعدك
الشي الوحيد ممكن ماتحبو هو التكرار ، تكرار القصص و العبارات
بالنسبة الي هالتكرار ساعدني انو ادرب اكثر و افهم الفكرة اكثر و اشوفة شي مهم و إيجابي
و بالنهاية انصح بقراءته بشددةة حتلو ما كنتوا مهتمين بالتنمية
( لان الكتاب هذا عميق و دسم بنفس الوقت يناسب القارئ المبتدئ )
اعوفكم ويا كم اقتباسة ❤️⬇️
برافوو 💪
ردحذف😘🤍
حذفزينب البطلة استمري🙏🏼🙏🏼😍
ردحذفشكرا لدعمك
حذف