أليــوم العشرين

-

هلاو هلاو 

اول شي سويته بعد اخر مدونه هو نزلت تطبيق Tick Tick حتى يساعدني احسب الوقت اللي اقضي و أنــي اسوي هالتحدي خلال أليــوم و ينطيني جول اسبوعي و شهري عن انجازاتي

كلش حبيته بي هواي سوالف تفيدكم بتنظيم و الوقت و الاهداف ؛



بالنسبه لانجازي خلال هال١٠ ايام الفاتت :

خلصت كتاب نظريات الارشاد النفسي و التوجيه التربوي بــ ٧ ايام 



و هاي عدد الساعات اللي قضيتها بهال ١٠ ايام


بعدها اخذت ريست من التحدي يومين لان حسيت نفسي تعبت و احتاج ارست و ارجع بحماس

و فعلا رجعت بحماس و كملت فصيل من الكتاب الاخير ( بصراحه هالكتاب بوحده تحدي لان بي معلومات هوايه و كبير ) بس عادي أنــي احب المهمات الصعبه 🥲 ف هاي احصائيه اول يوم واضح الحماسس للكتاب الاخير



بالنهايه ممتنه كلش هوايه لابو بكر و مجتبى و مرتضى على متابعتهم و تنظيمهم و دعمهم و كل الاعضاء اللي مستمرين لحد الان و اخذ طاقه لطيفه و تشجيع رهيب انو اكمل من خلال مدوناتهم
حب 🧡 

تعليقات

إرسال تعليق

المشاركات الشائعة من هذه المدونة

التخرج _ تحدي ٢٩ يوم

-
صورة
 اهلاا يا حلوين ، شلونكم اليوم اتمنى تكونون بخير  بدايةً اعرفكم على نفسي اسمي زينب القيسي من ديالى و عمري ٢٢ سنه شاركت بتحدي ال ٢٩ يوم لمرتضى التميمي حتى أطور نفسي بمجال التنمية و تطوير الذات ، بدأت بكتب و فيديوات و مقالات و محاضرات عن التنمية البشرية و مهارات تطوير الذات بصورة عامة حتى اخذ فكرة اوسع عن الموضوع الصورة هاي تختصر اللي جنت اسوي خلال ال٢٩ يوم   المدة جانت قصيرة قياسآ بالتغيير اللي حسيته ، غير المهارات اللي اكتسبتها عن تطوير الذات ، تعلمت من التحدي ما اخاف من انو ابدأ صرت اعرف احط هدف و اتحدى نفسي انو اكمل و امشي بي ، قبل التحدي جنت اخاف ابلش بشي ( اني انسانه اخاف من الفشل  ) بس اكتشفت الشجاع مو اللي ميخاف الشجاع هو اللي يمشي بشي حتلو خايف منه المهم ما نستسلم للخوف و الفشل و الاهم شلون انظم وقتي و استغل يومي بشكل مفيد  الكتب اللي قريتها خلال ال ٢٩ يوم : قوة عقلك الباطن _ لغات الحب الخمس _ من حرك قطعة الجبن الخاصة بي _ امرأة من طراز خاص _ كاريزما المرأة   اما الشي اللي اول مرة اسوي هو ( المراجعات ) كتبت مراجعة لكل كتاب على المدونه هنا ح...
قراءة المزيد

زينب القيسي

-
صورة
 مرحبا اسمي زينب عمري ٢٣ سنه ،  خريجة علوم تربوية و نفسية ،  هوايتي كلشي اله علاقة بمنتجات العناية بالبشرة و احب اطلع على مكوناتهم و اعرف كل مكون شنو وظيفتة و عندي بيج اساعد البنات بطريقة عنايتهم بالبشرة و اختيار المنتجات الصح  ، التحدي مالتي حيكون قراء كتب ، راح اتحدى نفسي اقرأ ٣ كتب خلال ٢٩ يوم حتى ازيد مهاراتي اللغوية و اثقف نفسي و اعرف اتحاور صح و تصير عندي ثقة بالحوار ، و هم القراءة كلش الها ربط بتخصصي احتاج اقرأ كتب نفسية و تطوير الذات و تنمية بشرية ، اما شلون ف راح اجرب احدد اوقات اقرأ كذا صفحة و كل يوم احاول ازيد صفحات غالبا حيكون بالليل قبل النوم ، و شاركت بالتحدي لان كلش حبيت الفكرة  و لان اني ما عندي شغف القراءة بس دائما احاول اخليها ضمن روتيني و افشل  و هم حبيت فكرة اطور مهاراة التواصل بالحوارات ويا باقي الاعضاء و يلهموني ب افكارهم و نتبادل المعلومات ، سعيدة بمشاركتي وياكم ، شكرا مرتضى على هالفرصة و كل التوفيق للجميع 🤍 الكتب اللي راح اقراها : قوة العقل الباطن _ لغات الحب الخمس _ امرأة من طراز خاص
قراءة المزيد

مراجعة لكتاب قوة عقلك الباطن

-
صورة
 مرحبا اصدقائي و صديقاتي ان شاء الله تكونوا بخير  مدونتي اليوم هي مراجعة مختصرة لكتاب قوة عقلك الباطن للدكتور جوزيف ميرفي  ، تصنيف الكتاب تنمية بشرية ، عدد الصفحات ٢٩٨ صفحة   برأيي هالكتاب من اهم كتب التنمية البشرية الجميل بي بعد ما تقراه تلاكي نفسك متدرب على استخدام عقلك الباطن بطريقة صحيحة و التفكير بصورة إيجابية  اكثر من ٩٠٪ من حياتنا العقلية هي العقل الباطن لهذا مهم كلش نتعلم شلون نتحكم بي ، و يصف الكاتب ان العقل الباطن مثل التربة اللي تقبل اي نوع من البذور سواء كانت صالحة او فاسدة ..  و اي شي تطلبه بصلاتك و انت مؤمنآ بامكانيه تحقيقة راح تحصل عليه    بالكتاب أيضا هواية قصص مسلية جدا يأكد الكاتب من خلالها على اهمية استخدام عقلك الباطن بطريقة ايجابية و النتائج المبهرة التحققها من خلال هالطريقة  يتالف الكتاب من ٢٠ فصل كل فصل يخص قاعدة معينه و مجموعة ادعية ممكن تساعدك  الشي الوحيد ممكن ماتحبو هو التكرار ، تكرار القصص و العبارات  بالنسبة الي هالتكرار ساعدني انو ادرب اكثر و افهم الفكرة اكثر و اشوفة شي مهم و إيجابي  و بالنهاي...
قراءة المزيد