زينب القيسي

مرررحباا يا ابطال ، تذكير سريع ، أنــي زينب و دا ادرس وياكم عن تخصص الارشاد النفسي لاني خريجه علوم تربويه و نفسيه و حابه اتعمق أڪــثر ب هالتخصص و اخذ بي ماجستير  التقدم اللي حققته خلال ال ١٠ ايام الماضيه :  خلصت كتابين من اصل ٥ ( لان أنــي مخلصه كتاب من قبل التحدي )    طبعا مسويه to do list ورقيه بس محد يفهم عليها بس أنــي لان عباره عن شخابيط ههههه ف سويت وحده ثانيه بالتطبيق حتى تفهموها و تكون اوضح ( بصراحه أنــي احب الورقيه و الشخابيط أڪــثر ) الكتاب الاول خلصته بــ ٣ ايام بسس لان جنت كلش متحمسه + أنــي كلش حابه هالتخصص ف متونسه بي الكتاب الثاني خلصته بــ ٨ ايام رغم صوبته بس جان لطيف و هوايه تعلمت منه اللي   تعلمته   من   هالكتابين   ؛ •  شلون   افرق   بين   السلوك   السوي   و   السلوك   الغير   سوي • خطوات   تعديل   السلوك   الغير   سوي • قريت   عن   نماذج   حالات   لاشخاص   يعانون   من   مشاكل   سلوكيه   و   مقابلاتهم   الار...

ياا مرحبااا بعد غياب طويل  كلش مشتاقه ارجع ادون هنا ، ف حبيت ادون تجربتي خلال تحدي ال ٢٩ يوم للموسم الثاني  و بما انو اشتركت   بالموسم   الاول   و   جانت   التجربه   رهيبه   و   خلتني   انطي   وقت   اكثر   لنفسي جان التحدي مالتي   قراءه   و   اكتب   عن   كل   كتاب   مراجعات   و   ملخصات  كذلك حصلت شهاده من منصه بلوم ؛  قررت هالمره ادخل بشي    مــو   كلش   مختلف   بس   الهدف   اكبر   وجدي   اكثر   و   الطريقه   مختلفه راح   اتحدى   نفسي   اقراء  ٦ كتب ( مصادر امتحان تنافسي )   عدد   صفحاتهم   ٣٠٠ _ ٦٠٠   صفحه   الكتب   متعلقه   بعلم   النفس   و   تحديدا   تخصص   الارشاد   النفسي   ،   علميه   ،  عميقه   ،   شامله   لكل   تفاصيل   المجال   اللي   حابه   اتعلم ...

  ياا   مساء   الحب   حبيت   اكتب   تدوينه   بسيطه   اذكركم   بتفصيله   تخلي   حياتنا   و   صحتنا   النفسيه   افضل   اللي   هي   ببساطه   التعبير   عن   مشاعرنا   الايجابيه   للاشخاص اللي نحبهم  اللي يخليني اكتب عن هالموضوع هو ، اني شخصيا جنت شخصيه خجوله و كلش استحي اعبر عن حبي او امتناني ، لان نشأت بعائله نادرا ما يعبرون عن مشاعرهم و حبهم اتوقع اغلب العوائل هيج لهذا لازم احنه نبادر بحضن ، كلمه لطيفه ، تقديم خدمه او اي لغه تناسبكم و تناسب الشخص اللي حابين تقدموله حب  وزعوا حب وين متروحون حتلو انتوا فاقدين هالشي او ماكو احد مقدمه الكم ،  اني   دائما   مع   مقوله   (   اعطِ   انتْ   ما   تَحتاجه   من   مَشاعر   )   راح  ترجعلكم   اضعاف   هاي   المشاعر   و   تخلي   محيطكم   مليان   حب   و   كلمات  ايجابيه   (   كُن   خيراً  ...

 اهلاا يا حلوين ، شلونكم اليوم اتمنى تكونون بخير  بدايةً اعرفكم على نفسي اسمي زينب القيسي من ديالى و عمري ٢٢ سنه شاركت بتحدي ال ٢٩ يوم لمرتضى التميمي حتى أطور نفسي بمجال التنمية و تطوير الذات ، بدأت بكتب و فيديوات و مقالات و محاضرات عن التنمية البشرية و مهارات تطوير الذات بصورة عامة حتى اخذ فكرة اوسع عن الموضوع الصورة هاي تختصر اللي جنت اسوي خلال ال٢٩ يوم   المدة جانت قصيرة قياسآ بالتغيير اللي حسيته ، غير المهارات اللي اكتسبتها عن تطوير الذات ، تعلمت من التحدي ما اخاف من انو ابدأ صرت اعرف احط هدف و اتحدى نفسي انو اكمل و امشي بي ، قبل التحدي جنت اخاف ابلش بشي ( اني انسانه اخاف من الفشل  ) بس اكتشفت الشجاع مو اللي ميخاف الشجاع هو اللي يمشي بشي حتلو خايف منه المهم ما نستسلم للخوف و الفشل و الاهم شلون انظم وقتي و استغل يومي بشكل مفيد  الكتب اللي قريتها خلال ال ٢٩ يوم : قوة عقلك الباطن _ لغات الحب الخمس _ من حرك قطعة الجبن الخاصة بي _ امرأة من طراز خاص _ كاريزما المرأة   اما الشي اللي اول مرة اسوي هو ( المراجعات ) كتبت مراجعة لكل كتاب على المدونه هنا ح...

 كتاب كاريزما المرأة هو دليل موجز للانوثة المتكاملة للكاتبة العراقية آسيا عادل ، عدد الصفحات ١٣١ ، نوع الكتاب تنمية بشرية  بدايةً اعرفكم على الكاتبة اسيا عادل :  • مدربة تطوير الذات  • معلمة في التغير و التطوير  • رئيسة سفراء التنمية البشرية في العراق  • مدربة لياقة بدينية و محكمة في اللجنه البارالمبية الوطنبة العراقية  • مؤسسة حركة Businesswoman  جدا فخورة و سعيدة عدنا هيج طاقات شابة و منجزة بالعراق لهذا كلنا لازم ندعمهم 🙏🏻🤍 ، وهسة رأيي بالكتاب :  من احلى الكتب اللي قريتها بالفترة الأخيرة ، يساعدكم بالتفكير بطريقة صحيحة ، و يعرفكم  عن شخصية و صفات المرأة الكاريزما و الناضجة و الواثقة من نفسها و شلون تكوني امرأة قوية و طموحة و كاريزمانية  الكتاب مناسب للمبتدئات لان مكتوب بطريقة سهلة و مفهومة وطبعا مليااان فوائد ، و ينطي تحفيز للتغير و طاقة إيجابية  من الاقتباسات اللي حبيتها ب هذا الكتاب :  ° النضوج لا يعني ان تكوني اكبر سنآ بل اكبر عقلا و اتزانآ ° حب النفس هو الاحسان لنفسك التي تحملت ضغوط الحياة ان النفس هي صديقك المقرب...

 مسااء الخير ، مراجعتي اليوم لكتاب حسيتة كنز لكل بنت اسم الكتاب امرأة من طراز خاص لكريم الشاذلي ، عدد الصفحات ٢١٥ صفحة ، نوع الكتاب تنمية بشرية  يخاطب الكاتب بهذا الكتاب المرأة الطموحة و يستعرض خمس عادات للمرأة الناجحة وهي :  المبادرة ، الثقة بالنفس ، رسم الاهداف ، الذكاء الاجتماعي ، ادارة الاولويات  الكتاب مفيد كلشش و ممتع بنفس الوقت ، داخل كل عادة اختيارات تكدرين تختبرين نفسج اذا جنتي تمتلكيها او لا  و بنهاية كل عادة مساحة الج تعبرين عن رأيج  و هم موجودة مجموعة من القصص عن نساء ناجحات مكتوبة بلغة بسيطة و سهلة الفهم  الكتاب لكل امرأة من عمر التسعة للتسعين سنه  بالنسبة الي هذا اكثر كتاب استفاديت منه و حفزني حبيت كل العادات وراح استغل عليها بشكل جدي  اكيدد راح اكرر قرأءة الكتاب بالاخص العادة المحتاجة انميها بشخصيتي  انصح بي كلشش ، قراءة ممتعة للي راح يقروا 🤍