زينب القيسي

 اهلاا يا حلوين ، شلونكم اليوم اتمنى تكونون بخير  بدايةً اعرفكم على نفسي اسمي زينب القيسي من ديالى و عمري ٢٢ سنه شاركت بتحدي ال ٢٩ يوم لمرتضى التميمي حتى أطور نفسي بمجال التنمية و تطوير الذات ، بدأت بكتب و فيديوات و مقالات و محاضرات عن التنمية البشرية و مهارات تطوير الذات بصورة عامة حتى اخذ فكرة اوسع عن الموضوع الصورة هاي تختصر اللي جنت اسوي خلال ال٢٩ يوم   المدة جانت قصيرة قياسآ بالتغيير اللي حسيته ، غير المهارات اللي اكتسبتها عن تطوير الذات ، تعلمت من التحدي ما اخاف من انو ابدأ صرت اعرف احط هدف و اتحدى نفسي انو اكمل و امشي بي ، قبل التحدي جنت اخاف ابلش بشي ( اني انسانه اخاف من الفشل  ) بس اكتشفت الشجاع مو اللي ميخاف الشجاع هو اللي يمشي بشي حتلو خايف منه المهم ما نستسلم للخوف و الفشل و الاهم شلون انظم وقتي و استغل يومي بشكل مفيد  الكتب اللي قريتها خلال ال ٢٩ يوم : قوة عقلك الباطن _ لغات الحب الخمس _ من حرك قطعة الجبن الخاصة بي _ امرأة من طراز خاص _ كاريزما المرأة   اما الشي اللي اول مرة اسوي هو ( المراجعات ) كتبت مراجعة لكل كتاب على المدونه هنا ح...

 كتاب كاريزما المرأة هو دليل موجز للانوثة المتكاملة للكاتبة العراقية آسيا عادل ، عدد الصفحات ١٣١ ، نوع الكتاب تنمية بشرية  بدايةً اعرفكم على الكاتبة اسيا عادل :  • مدربة تطوير الذات  • معلمة في التغير و التطوير  • رئيسة سفراء التنمية البشرية في العراق  • مدربة لياقة بدينية و محكمة في اللجنه البارالمبية الوطنبة العراقية  • مؤسسة حركة Businesswoman  جدا فخورة و سعيدة عدنا هيج طاقات شابة و منجزة بالعراق لهذا كلنا لازم ندعمهم 🙏🏻🤍 ، وهسة رأيي بالكتاب :  من احلى الكتب اللي قريتها بالفترة الأخيرة ، يساعدكم بالتفكير بطريقة صحيحة ، و يعرفكم  عن شخصية و صفات المرأة الكاريزما و الناضجة و الواثقة من نفسها و شلون تكوني امرأة قوية و طموحة و كاريزمانية  الكتاب مناسب للمبتدئات لان مكتوب بطريقة سهلة و مفهومة وطبعا مليااان فوائد ، و ينطي تحفيز للتغير و طاقة إيجابية  من الاقتباسات اللي حبيتها ب هذا الكتاب :  ° النضوج لا يعني ان تكوني اكبر سنآ بل اكبر عقلا و اتزانآ ° حب النفس هو الاحسان لنفسك التي تحملت ضغوط الحياة ان النفس هي صديقك المقرب...

 مسااء الخير ، مراجعتي اليوم لكتاب حسيتة كنز لكل بنت اسم الكتاب امرأة من طراز خاص لكريم الشاذلي ، عدد الصفحات ٢١٥ صفحة ، نوع الكتاب تنمية بشرية  يخاطب الكاتب بهذا الكتاب المرأة الطموحة و يستعرض خمس عادات للمرأة الناجحة وهي :  المبادرة ، الثقة بالنفس ، رسم الاهداف ، الذكاء الاجتماعي ، ادارة الاولويات  الكتاب مفيد كلشش و ممتع بنفس الوقت ، داخل كل عادة اختيارات تكدرين تختبرين نفسج اذا جنتي تمتلكيها او لا  و بنهاية كل عادة مساحة الج تعبرين عن رأيج  و هم موجودة مجموعة من القصص عن نساء ناجحات مكتوبة بلغة بسيطة و سهلة الفهم  الكتاب لكل امرأة من عمر التسعة للتسعين سنه  بالنسبة الي هذا اكثر كتاب استفاديت منه و حفزني حبيت كل العادات وراح استغل عليها بشكل جدي  اكيدد راح اكرر قرأءة الكتاب بالاخص العادة المحتاجة انميها بشخصيتي  انصح بي كلشش ، قراءة ممتعة للي راح يقروا 🤍

مَسـاااء الخـير ايـها العـالم الجـمييل 🙃  شلونكم ان شاء الله تكونون بخير ، فخورة بتقدمكم كلش بساع مرت ال ٢٠ يوم بسس سعيدة  لان كل يوم دا اتعلم شي جديد من ڪتب فيديوات التنمية  ، اللي صار  خلال هالايام انو عبرت الهدف ، قريت اكثر من ال ٣ كتب اللي جنت محددتهم    الاضافة الجديدة اللي سويتها خلال ال ١٠ ايام الفاتت هي كتابة مراجعة بسيطة للكتب اللي اقراها  عن طريق المدونه هنا  : اول مرة اجرب اكتب مراجعة حبيت هالتجربة و احسة تقدم حلو ، تعلمت من الكتب الاخيرة اللي قريتها ، الطريقة الصحيحة للتعامل مع الآخرين و التعبير بالحب الهم ، و طريقة مواجهة التغيرات اللي تصير بحياتي ، و اشياء عميقة غيرت بشخصيتي هوااايةةة خلال فترة قصيرة كلش  و اول مرة اجرب اقرة كتاب كامل بكعدة وحدة ( قبل التحدي مجنت اتحمل اقرا صفحة وحدة ) مستمرة اشوف محتوى مفيد مركزة حاليا ويا خبيرة التنمية و تطوير الذات ڤيان عارف   و دا اشوف فيديوات ل سائد يونس   على اليوتيوب و احيانا اطلب فيديوات اضافية توصلني للايميل عن تحسين العادات اليومية  دا استخدم نفس التطبيقات اللي شاركتها ...

مـسااء الخـير    مراجـعة الـيوم لكتـاب مـن حـرك قطـعة الجـبن الخاصة بي ؟ للمؤلف سبنسر جونسون  الكتاب رواية قصيرة ممتعة و محفزة  رواية قصيرة عن فأرين و قزمين يعيشون داخل متاهة يبحثون عن ( الجبن ) وهو رمز تعبيري عن السعادة و الغذاء  اللي تعلمته من هذا الكتاب انو الحياة مليانه بالتغيرات ، لازم نلاحظ هذه التغيرات دائما حتى لا نتفاجئ و حتى نتصرف بذكاء و سرعة و الاهم ما نخاف من المغامرة و التغيير  و ان الخوف اذا تتركة يسيطر عليك هو اخطر بهواية من المشكلة او التغيير اللي انت بي  و مهم جدا مانبالغ و نعقد الامور ممكن منحب التغيير بالبداية لكن بعدين نكتشف انو هالتغيير يرشدنا للاحسن دائما  و غلط نعيش الحياة على وتيرة واحدة لازم اكو تغيير و بكل تغيير اكو تعلم و فهم اكثر للحياة  * اذا لم تتغير فسوف تفنى  رحلة اكثر من رائعة مع " سنيف و سكوري " و " هيم و هاو " ما راح اكتب هواية عنه لان من اتمنى تقروا انتو و تكتشفوا  انصح بالكتاب بشدة لان طريقة سرد الرواية بسيط و ممتعة و عميقة  ممكن يغير نظرتكم للامور مثلي 🤍 

 هــلاوو هـــلاو ، رجعتلڪم اليـوم بمــراجعة جـديدة لڪتــاب لغـات الحُــب الخمس _ للدڪتور جاري تشابمان _ الڪتاب لتحسين العلاقات و فهم الاخرين _ عدد الصفحات ١٨٠ صفحة مختصر الدڪتور جاري طرق التعبير عن الحب ب خمس لغات اساسية اللي هي :  تكريس الوقت _ كلمات التشجيع _ تبادل الهدايا _ الاعمال الخدمية _ الاتصال البدني  و بالكتاب شارح صفات كل لغة و شنو الطريقة الصحيحة للتعامل مع الشخص اللي لغته الاساسية تكريس الوقت مثلا و بنهاية كل لغة مجموعة من النصائح و الافكار ممكن تساعدكم حتى تعبرون عن حبكم باللغة الخاصة لشريك الحياة او الاشخاص التحبوهم  بعد عامين تقريبا من الزواج يصير شي اشبه بالروتين و نوع من الملل ، لهذا مهم كلش نعرف لغة الحب الاساسية لشريك الحياة هالشي يخلي الروتين احلى و الحياة الزوجية تكون صحية اكثر  القصص المذكورة ممتعةة كلش ، و الكتاب سلس و سهل الفهم ممكن تخلصو بيوم و نص  بالنهاية انصح بهالكتاب بشددة للمتزوجين اللي يشعرون بملل بعلاقتهم و المقبلين على الزواج  و برأيي الكتاب لاي شخص حاب يفهم نفسة و يحب يعبر عن حبة لكل الاشخاص المحيطين بي من خلال معرفة ...

 مرحبا اصدقائي و صديقاتي ان شاء الله تكونوا بخير  مدونتي اليوم هي مراجعة مختصرة لكتاب قوة عقلك الباطن للدكتور جوزيف ميرفي  ، تصنيف الكتاب تنمية بشرية ، عدد الصفحات ٢٩٨ صفحة   برأيي هالكتاب من اهم كتب التنمية البشرية الجميل بي بعد ما تقراه تلاكي نفسك متدرب على استخدام عقلك الباطن بطريقة صحيحة و التفكير بصورة إيجابية  اكثر من ٩٠٪ من حياتنا العقلية هي العقل الباطن لهذا مهم كلش نتعلم شلون نتحكم بي ، و يصف الكاتب ان العقل الباطن مثل التربة اللي تقبل اي نوع من البذور سواء كانت صالحة او فاسدة ..  و اي شي تطلبه بصلاتك و انت مؤمنآ بامكانيه تحقيقة راح تحصل عليه    بالكتاب أيضا هواية قصص مسلية جدا يأكد الكاتب من خلالها على اهمية استخدام عقلك الباطن بطريقة ايجابية و النتائج المبهرة التحققها من خلال هالطريقة  يتالف الكتاب من ٢٠ فصل كل فصل يخص قاعدة معينه و مجموعة ادعية ممكن تساعدك  الشي الوحيد ممكن ماتحبو هو التكرار ، تكرار القصص و العبارات  بالنسبة الي هالتكرار ساعدني انو ادرب اكثر و افهم الفكرة اكثر و اشوفة شي مهم و إيجابي  و بالنهاي...

هــلاو هــلاو شلـونڪم  اهلا بيكم للمرة الثانية بمدونتي ، اسمي زينب و التحدي مالتي هو قراءة مجموعة من الكتب خلال ٢٩ يوم ، حطيت هدف بسيط حتى انجح بي و يصيرلي حافز اكرر هالتحدي ويا نفسي و انجز اڪثر  لحد الان كملت كتاب ( قوة عقلك الباطن )  كتاب واحد بس حسيتة ڪنز ، خلاني افهم عقلي الباطن اكثر و تعلمت شلون اتحكم بي و تدربت على جَذب اهدافي و التحكم بعقلي الباطن اكثر ، ( بالمدونه الجاية راح اسويلڪم مراجعة لقرائتي عن هالكتااب ) ، هدفي الجاي اكمل قراءه كتاب لغات الحب الخمس ب ثلاث ايام  استخدمت كم تطبيق حتى يساعدني على الالتزام و تنظيم وقتي اول تطبيق هو  Microsoft To Do   هو لسته المهام اتوقع اغلب الناس عدهم بس التطبيق هذا تحديدا سهل و بي ميزات لطيفة وصوت ال چك ✅ من اخلص المهمة يخليني احس بالانجاز و الرضا 😆 التطبيق الثاني هو سلطة الانجاز   هالتطبيق يساعدني على تقسيم قراءاتي و بقية مهامي الى جلسات بي ميزات كلش حلوة هم ، اما التطبيق الثالث هو الملاحظات Keep الموجودة بكل الاجهزة ادون بي ملخصات قرائتي حتى يبقن الي و ارجعلهن دائما  مدا ابذل جهد عالي بمهمتي بالعك...