اليوم ٢٠ _ تحدي ال ٢٩ يوم
مَسـاااء الخـير ايـها العـالم الجـمييل 🙃
شلونكم ان شاء الله تكونون بخير ، فخورة بتقدمكم كلش
بساع مرت ال ٢٠ يوم بسس سعيدة لان كل يوم دا اتعلم شي جديد من ڪتب فيديوات التنمية ، اللي صار خلال هالايام انو عبرت الهدف ، قريت اكثر من ال ٣ كتب اللي جنت محددتهم
الاضافة الجديدة اللي سويتها خلال ال ١٠ ايام الفاتت هي كتابة مراجعة بسيطة للكتب اللي اقراها
عن طريق المدونه هنا :
اول مرة اجرب اكتب مراجعة حبيت هالتجربة و احسة تقدم حلو ، تعلمت من الكتب الاخيرة اللي قريتها ، الطريقة الصحيحة للتعامل مع الآخرين و التعبير بالحب الهم ، و طريقة مواجهة التغيرات اللي تصير بحياتي ، و اشياء عميقة غيرت بشخصيتي هوااايةةة خلال فترة قصيرة كلش
و اول مرة اجرب اقرة كتاب كامل بكعدة وحدة ( قبل التحدي مجنت اتحمل اقرا صفحة وحدة )
مستمرة اشوف محتوى مفيد مركزة حاليا ويا خبيرة التنمية و تطوير الذات ڤيان عارف و دا اشوف فيديوات ل سائد يونس على اليوتيوب و احيانا اطلب فيديوات اضافية توصلني للايميل عن تحسين العادات اليومية
دا استخدم نفس التطبيقات اللي شاركتها وياكم بمدونة( اليوم العاشر )
بصراحة مدا ابذل جهد هاليومين لاني مو ب احسن حالاتي بسس راجعة بحماس لان الايام الاخيرة حابة ازيد الجهد ، مع هذا راضية عن التقدم الصار لان تحسنت عاداتي هواية
و تعلمت الالتزام و قررت دائما احط هدف و وقت محدد حتى انجبر انجز ،
الهدف الحالي احاول اقرا اكثر و ايضا استمر بالمراجعات و الفيديوات المفيدة ، راح اتبع نفس الخطة و الطريقة اللي ذكرتها بمدونه اليوم العاشر
واثقة انو راح اغير هواي من نفسي لحد نهاية هالتحدي
الكتب اللي سويتلهم مراجعة :
قوة عقلك الباطن ، لغات الحب الخمس ، من حرك قطعة الجبن الخاصة بى
اضغطوا على اسم الكتاب الحابين تقرون مراجعته 🤍
اما اذا حبيتوا تقرون الكتاب كامل فتكدرون تحصلوا PDF
من قناة مكتبة المتنبي على التلكرام
و بالنهاية ، ممتنة
لمرتضى و التيم مالته دائما 🤍
ولاختي غود لان تساعدني ب اختياراتي للكتب وتحفزني و تدعمني 🤍
ولكل الاشخاص اللي يزيدوني شغف بكلامهم اللطيف ، كل الحب الكم 🤍
كل التوفيق صديقتنا زينب♥️ جد متعة القراءة متعة تجنننن
ردحذفحياتي ، اشكرج ، و الج كل التوفيق 💕🙏🏻
حذف